كعك الشاي الرائئئئئئئئئئئئئئئئئئئئئئئئئئئئئئئع

ايه رأيكم؟؟
على فكرة سهلة جدا جدا
وعملتها بالمعلقة الخشب كمان
مش بالمضرب
ياللا اكتبوا ورايا

المقادير

عدد 4 بيضات
1 كوب سكر ناعم حبيبات (زي سكر الأسرة او الضحى )
2 كوب دقيق
2 كيس فانيلا
كيس الا ربع بيكنج باودر
2 ملعقة كبيرة سمنة بلدي او زبدة
2 ملعقة كبيرة زيت ذرة

الطريقة

أول حاجة نضرب السمنة والزيت مع السكر كويس جدا جدا بملعقة خشبية
لحد مايكون كريمي
زي كده



بعد كده نضيف البيض والفانيلا



نضرب البيض مع السمنة والسكر كويس جدا جدا
بعد كده نضيف بشر البرتقال



بعد مانضرب بشر البرتقال
نضيف 3 معالق كبار عصير برتقال
وبعدين نكون ناخلين الدقيق مع البيكنج باودر مرتين
ننزل الدقيق بالتدريج
ونقلب لحد ماتكون بالشكل ده



هي العجينة بتاعتها بتكون تقيلة شوية
يعني مش زي الكيك العادي

وبعدين نصبها في القالب بتاعنا بعد مانكون دهناه بالزبدة والدقيق
وطبعا نكون مولعين الفرن قبل مانبدأ في عمل الكيك



نرش شوية زبيب
بيديلها طعم روعة



يكون الفرن على درجة حرارة عالية
نسيبها 10 دقائق
بعد كده نهدي النار عليها
ونسيبها تستوي براحتها
هتاخد تقريبا ساعة الا ربع في السوا
بعد ماتستوي هتكون بالشكل ده



بعد ماتبرد خالص
نحطها في صينية التقديم



ونقطعها كده




ونقدمها كده مع الشاي




ودي كانت الإنجليش كيك الأولى
بالنسبة للي بالشيكولاتة

نفس الطريقة ونفس المقادير
بس من غير بشر البرتقال ولا عصير البرتقال
ولا الزبيب
بس بحطلها كباية زبادي صغيره
بعد كده بحط 1/3 الخليط في القالب
وبعدين باخد شويه من العجينة حوالي تلتها وبضيف ليه كاكاو نسكويك
حوالى 3 ملاعق كبار
وبقلبهم كويس مع العجينة
وبصبها في القالب
بعد كده بحط التلت الابيض اللي فاضل
وبحطها في الفرن بنفس الطريقة

ودي صورتها بعد ماخرجت من الفرن



ودي بعد مااتقطعت



وهنا مع الشاي
اتفضلوا معانا