•.مـذكـرآتــــــ]1[ تـلــمـيذة

مهم بلا مقدمات بلا والو شفت كلشي تيكتب قلت مالي تانا ما نكتب اش خاصني نكتب بحالي بحال قراني

مهم ليوما وانا دايرا البت المباشر لنوسطالجيا فراسي و تنتفكر يامات الصغر تفكرت واحد نهار عمرو يتنسى ليا كنت ديك ساعة تنقرا فالكاطريام يعني قمة الشغب و الحماق مهم ما عليناش داك نهار المشؤوم كان عدنا امتحان فالفيزيك

مهم نخليكم مع وصف الزمكان و الاجواء كي كانو

كان تيقرينا واحد الاستاد سميتو هشام كان وجدي و داك العام كان اول عام عندو فمكناس كان حاس براسو بزااايد و فيه العياقة واخا وجهو داير بحال الاستدعا و زاد حس براسو فاش دارو ليه الاقسام لخرين شان هههه خلاص حنا ماشي ديال ديكشي عنواننا الحماق لابعد الحدود و لا للحيس الكابا كنا معاه غي شد ليا نقطع ليك و هو بهضرة و حنا بعشرة

مهم دوزنا مدة صافي تحدات ليه عياقتو معانا و لا تيتعامل معانا بحالي راحنا اصدقاء ديالو ههه حيت كان هو مازال صغير شوية

مهم نكملوا داكشي لي بديناه قبل الوصف مهم داك نهار نتاع الامتحان بدا مكعبن من الاول نتاعو و بان العربون مشا علينا الحال خلاص غاديين جري عليا نجري عليك فاش وصلنا لقينا الباب تسداتايوا خلاص ضطرينا للحل العملي و مشينا للصور صافي تمت المهمة بنجاح مشينا تنجريو عاوتاني للقسم لقينا كلشي مستف و جالس تقول حطارين و تايساينو دواز اتاي يدوز

مالقيناش لكراسا و انا مع الروح نتاع لعكز بقيت سامرة فبلاصتي واخا كلشي مشا للاقسام الاخرين يقلبوعلى الكراسى و هو يبانلي واحد لور كاع مشيت جبتو لقيتو غا ملبق و كلو مخرشش يعني تجلس يطيح بيك قلت مالنا غادي نطيرو كاع نديه و مولاها الله

صافي ديتو و جلست فرق علينا الاستاد -دواز اتاي- وراق الامتحان مهم كان عندي شوية مع الفيزيك واخا بيني و بين المواد العلمية غي الخير و الاحسان يعني ما كنتش تنهبط على المعدل صافي ضربت طلة خفيفة ضريفة على الامتحان قلت نبدا بالاسئلة الساهلة ما كاين لاش نحمق راسي مع صعاب تايجيب الله شي حد يصوفينا بالباقي

هكاك كان ياله بدينا لكليكة مفرقا -مهم كنا 3 بنات و 2 دراري-يعني بلقراية و لا بلا بيها ديما مجموعين صافي دري الاول كان قراي بزاااايد و عندو مع العلوم-شارو- فحين دري تاني كان جليجة فالمواد كاملين-زيكو-خلاص انا كنت عندي مع المواد الادبية و جليجة فالماط و تانديباني راسي فالصيونص و الفيزيك و جوج لبنات لخرين وحدة كان عندها ميول علميروزا وحدة ميول ادبي-ميري-صافي مهم لبنات جالسين لقدام و دراري مورانا باش يلا كان شي نقيل ندوروه بيناتنا

وانا جالسة تنخمم فالاسئلة و منهمكةالاستاد داز بجنبي و دور بيا داك الكرسي المخرشش فكانت الصدمة القوية جيت طايحة على قلقولة راسي المشكلة بقوة الضحك ماقديتش نوض صافي فاش نضت و قلت ليه و انا تنشوف فيه هكامالاقي غي هاد الجيهة دوز منها بقا تيضحك قالي و شكون قالك هزي داك الكرسي

خلاص فديك اللحظة لي الهرج كاين وانا تنحاول نستجمع القوى نتاعي لي طاحو معاياصافي الشارو عطاني واحد الجواب فورقة حيت غا تنبداو تنورقو شنو لي انجوبو عليه و شنو لي غادي يعطيوناصافي ضمنت حاجة اخرى بقينا دايرين ليه القلق بزاايد باش نفسحو المجال لباقي الزملاء باش ينقلو حيت كان حضاي بزاايد بلحق معامن طاح تنضحكو تيبقى يخنزر فينا و يقولنا تيهروكم الملائكة مهم شاف الشغل حماض نوض شارو من حدانا لبلاصة لي تيجلس فيها هو صافي خلاص انا هي لي تنمد للبقية نقيلقلت لشارو صوفي الناس راهم وحلو صافي كمش الورقة و لاحها لي ما تتجي غي فالوسط ما عندي كي ندير نهزها و تاهو و هو يجي سي الاستاد عزيزة عليه كورة ضربها برجليه جابها حدايا بقينا تنضحكو ما فهم هو والو تلاح لور و انا نهزها شفت اش تم و عطيتها للبقية فالوقت لي كان لور حصل واحد الزميل عندو الامتحان مخرج و انا كانت حدايا واحد الكرطونة نتاع الزبل حشايا و حاشا الجميعلاحها ليا قالي نعيمة معاك هادي حليتها لقيتها امتحان و ليت لحتها لهادوك لي مورايا خفة زربة داكشي شن طن صافي داز امتحان حمق بزااايد واخا نهار بدا مكفس سالا كولو ضحك و نشاط

لغد ليه مشينا غي لكليكة قلناليه اش درنا قالي نتي و شارو جبتو النقطة الاولى 20/20و زيكو14 روزا 18 و ميري16 مسكين فرحان بينا و انا غي تنضحك تنقولو عيتي بطيرانك اولدي ما كاليتيش النقيل

صافي قلنا لو تهلا و دير مظلة و سلم معاك على سي عبد الله و مشينا بحالنا.